Astanada uly sazger, ánshi Sh.Qaldaıaqovtyń týǵanyna 80 jyl tolý mereıtoıyna arnalǵan ádebı-mýzykalyq kesh ótti
STANA. Qyrkúıektiń 24-i. QazAqparat /Gúlmıra Álıakparova/ - Búgin QR Prezıdenttik mádenıet ortalyǵynda (PMO) uly sazger, ánshi Shámshi Qaldaıaqovtyń týǵanyna 80 jyl tolý mereıtoıyna arnalǵan «Shámshi - qazaq valsiniń patshasy» atty ádebı-mýzykalyq kesh ótti.
«Qazaqstan Respýblıkasynyń Halyq ártisi, qazaq valsiniń patshasy Sh.Qaldaıaqovtyń ánderine degen halyq mahabbaty kúnnen kúnge arta túsýde. Búgingi sharanyń maqsaty óskeleń urpaqty Shámshi tvorchestvosymen, onyń ánderiniń shyǵý tarıhymen tanystyra otyryp, olardyń máńgilik ekendigin nasıhattaý», - deıdi PMO kitaphanasynyń óner bólimi bastyǵy Baqsha Bekturǵanova.
Kesh barysynda Sh.Qaldaıaqovtyń ómiri týraly slaıdtar, foto sýretter men sahnalyq kórinis kórsetildi. Sondaı-aq, №2-shi óner mektebiniń oqýshylary onyń «Otyrardaǵy toı», «Baldyrǵan», «Án aǵa», «Ana týraly jyr», «Arys jaǵasynda», «Aq bantık» jáne halyqtyń basqa da súısine oryndap, tyńdap júrgen ánderin shyrqady.
Sonymen birge, ánshi, sazgerdiń ómirbaıanyna baılanysty estelikter, shyǵarmalar jınaǵy jaıly kitap kórmesi uıymdastyrylyp, oǵan sholý jasaldy.
Ádebı-mýzykalyq keshtiń sońy elimizdiń ánuranyna aınalǵan Sh.Qaldaıaqovtyń «Meniń Qazaqstanym» ánin oryndaýmen aıaqtaldy.
