Astanada Uly Otan soǵysynyń ardagerlerine arnalǵan «Kóktemniń shýaqty kúnderi» atty aktsııa bastaldy
Bul týraly búgin jýrnalısterge Astana qalalyq Bilim basqarmasynyń bastyǵy Ásıma Bımendına málim etti, dep habarlaıdy QazAqparat.
«Kóktemniń shýaqty kúnderi» aktsııasynda mektep oqýshylary Uly Otan soǵysy ardagerlerine qurmet retinde qamqorlyq kórsetip, olarǵa 65 jaqsy is jasaýǵa bel býyp otyr.
Á. Bımendınanyń aıtýynsha, Jeńistiń 65 jyldyǵyna oraı jasalyp jatqan sharanyń bastamashylary oqýshylardyń ózderi. «Oqýshylardan quralǵan «Jas jiger» balalar qozǵalysy qalanyń «Saryarqa», «Almaty» jáne «Esil» aýdandarynda turatyn ardagerler týraly aqparattardy jınaqtap, albomdar shyǵarǵan. Aktsııa basqa sharalarǵa qaraǵanda, ataýly kúnder qarsańynda ǵana emes, uzaq merzimge sozylatyndyǵymen erekshelenedi»,-deıdi ol.
Shara aıasynda qalanyń bilim basqarmasy mektepterde «Qamqorlyq» otrıadtaryn qurý týraly sheshim qabyldady. Osylaısha, «Qamqorlyq» otrıadtary «tımýrovshylardyń» izin qýyp, ardagerlerge kómek kórsetetin bolady. Mektep qabyrǵasynan tys sporttyq jarystar, mýzykalyq baıqaýlar jáne kórkemsýret óneriniń týyndylary qoıylǵan kórmeler, semınarlar men sabaqtar, áskerı oıyndar uıymdastyrylady. Jyl boıyna balalardyń ardagerlerge arnaǵan kontsertteri udaıy ótip turady. Soǵysta ot keshken qarııalar men búgingi jas urpaqtyń «Estelik shyraǵy» jáne «Tarıhtyń tiri daýystary» atty kezdesýleri josparlanǵan.
