Astanada Uly Otan soǵysyndaǵy jeńistiń 65 jyldyǵyna arnalǵan shara ótti
ASTANA. Jeltoqsannyń 4-i. QazAqparat /Quralaı Orynbekqyzy/ - Búgin elordanyń Qazaq gýmanıtarlyq zań ýnıversıtetinde Uly Otan soǵysyndaǵy jeńistiń 65 jyldyǵyna daıyndyqqa arnalǵan «Ata-babalardy eske alý jáne Qazaqstannyń jarqyn keleshegi» taqyrybynda ǵylymı-tájirıbelik konferentsııa ótti,
dep habarlaıdy QazAqparat tilishisi.
Konferentsııany «QR Ardagerler uıymy» qoǵamdyq birlestigi Ortalyq keńesiniń «Jas Otan» jastar qanatymen birigip uıymdastyrdy. Onyń maqsaty - respýblıkamyzdaǵy ardagerler uıymdarynyń jastar uıymdarymen yntymaqtastyǵyn nyǵaıtý, jastarǵa Uly Otan soǵysy jáne onyń qatysýshylary týraly aıtyp berý.
«Osy soǵystyń sabaqtary men saldary árqashan árbir eldiń, árbir adamnyń esinde bolýy tıis. Sondyqtan, búgingi kezdesý bul ardagerlerge degen qurmetimiz. Biz olardyń basynan ótken úlken soǵys týraly bilemiz, umytpaımyz, odan sabaq aldyq jáne mundaı aýyr soǵystyń qaıtalanýyna jol bermeımiz», - dedi osy oqý ornynyń rektory Marat Qoǵamov. Rektordyń aıtýynsha, bul jastarǵa tálim-tárbıe berý, otansúıgishtikke tárbıeleýde óte paıdala shara.
Jıynǵa Uly Otan soǵysy ardagerleri, atalmysh joǵary oqý ornynyń ustazdary men stýdentteri qatysty.
