Astanada «Uly Otan soǵysyndaǵy qazaqstandyqtar» atty kórme óz jumysyn bastady

Búgin «Báıterek» monýmenti ǵımaratynda Uly Jeńis kúnine oraı uıymdastyrylǵan kórmeniń saltanatty ashylý rásimi bolyp ótti.

Atalmysh sharany Reseılik «RIA Novostı» halyqaralyq aqparat agenttigi «Astana - Báıterek» JShS-men birlese júzege asyrdy.

Kórmeniń saltanatty ashylý rásimine Qazaqstandaǵy Reseıdiń Ókiletti jáne Tótenshe elshisi Mıhaıl Bocharnıkov jáne Astana qalasy ardagerler keńesi tóraǵasynyń orynbasary Haırolla Jarmuhanov qatysty.

Kórmege áskerı tilshilerdiń soǵys jyldarynda túsirgen 30-dan asa fotoqujattary men maıdan ómirinen syr shertetin ózge de derekti materıaldar qoıylǵan. Maıdan alańyndaǵy reportaj janrynda jasalǵan fotolar Otan qorǵaýshylardyń qyzý urys ústindegi, qysqa merzimdi tynyǵý ýaqytyndaǵy jáne áskerı daıyndyq barysyndaǵy sátterin shynaıy túrde beıneleıdi.

«Búgingi kórmeniń jas urpaqqa beretin tárbıelik ónegesi zor. Kórmege qoıylǵan árbir foto Otan úshin ot keshken qazaqstandyq jaýyngerlerdiń qaıyspas qaısarlyǵyn, almas qylyshtaı muqalmas jigerin beıneleıdi. UOS batyrlarynyń erligi - búgingi urpaqqa umytylmas ulaǵat, óshes ónege, sondyqtan da olardyń erligi sanamyzda máńgilik saqtalýy shart», - dedi kórmeniń ashylý saltanatynda quttyqtaý sóz sóılegen Haırolla Jarmuhanov.

Kórme jumysy bir aptaǵa sozylmaq.