Astanada Uly Otan soǵysy jyldarynda jaryq kórgen sýretter kórmege qoıyldy

ASTANA. 3 mamyr. QazAqparat - Elordadaǵy Qazirgi zamanǵy óner murajaıynda «Jeńis jolymen» atty Uly Jeńis merekesine oraı kórme ashyldy.

Kórmege murajaı qorynan alynǵan 1943 - 1989 jyldar aralyǵynda jaryqqa shyqqan Qazaqstan, Reseı, Belarýs sýretshileriniń 28 óner týyndysy qoıylǵan. Sonyń ishinde Qadirbek Qametovtiń «Barlyǵy maıdan úshin», «Maıdannan hat», Vasılıı Tımofeevtiń «Reıhstag shabýylynyń batyry R.Qoshqarbaev» atty taqyryptyq kartınalary erekshe qyzyǵýshylyq týdyrýda. Sonymen qatar kórkemdik ári tarıhı qundylyǵy aı­ryq­sha kórme, jurtshylyq nazaryna túrli tehnıkamen oryn­dalǵan maıdan men soǵys taqyrybyndaǵy ózge de keskindemelik, grafıkalyq jumystar men músinderdi usyndy.

Sharanyń negizgi maqsaty - Uly Jeńistiń 67 jyldyǵyna oraı, elimizge erligimen eńbek sińirgen soǵys ardagerlerine taǵzym etý.

Mádenı shara barysynda arnaıy shaqyrylǵan qadirli ardagerlerge qurmet kórsetilip, merekelik kontsert uıymdastyryldy.