Astanada uly kompozıtor N.Tilendıevtiń 90 jyldyǵyna arnalǵan «Júregim meniń» kontserti ótedi
ASTANA. QazAqparat - Qazaqtyń birtýar uly, áıgili kompozıtor, dırıjer, kúıshi Nurǵısa Tilendıevtiń 90 jyldyǵyna arnalǵan «Júregim meniń» kontserti 6 shilde kúni «Qazaqstan» ortalyq kontsert zalynda ótedi, dep habarlady astana.gov.kz.
HH ǵasyrdyń kemeńgeri, mýzyka áleminiń vıtrýozy 500-den asa shyǵarmanyń avtory, qazaq sahnasy men ekranynyń klassıkasyna aınalǵan 40-qa jýyq pesa men 20 kınofılmge áýen jazǵan.
Kontserttik baǵdarlamada kompozıtordyń kópke tanymal týyndylaryn sımfonııalyq orkestr men N. Tilendıev atyndaǵy «Otyrar sazy» folklorlyq-etnografııalyq orkestri oryndaıdy. Al olarǵa Halyq qaharmanynyń qyzy, QR eńbek sińirgen qaıratkeri Dinzýhra Tilendıeva dırıjerlik etedi.
Keshtiń kórkin Roza Rymbaeva, Maıgúl Qazturǵanova, Erkin Shúkimanov, Súndet Baıǵojın, Mádına Sádýaqasova, MýzART toby sııaqty otandyq estrada juldyzdary qyzdyrady.
Kórermenderge sondaı-aq, qazaq mýzykasynyń danyshpany týraly beıneklıp kórsetiledi.
