Astanada «Uly Dala Sazy» dástúrli oryndaýshylardyń halyqaralyq festıvali ótedi
ASTANA. 11 qyrkúıek. 14 qyrkúıekte saǵat 18.00-da Astana qalasyndaǵy K. Baıseıitova atyndaǵy Ulttyq opera jáne balet teatrynda «Astana - túrki áleminiń mádenı astanasy 2012» Jyly aıasynda «Uly Dala Sazy» dástúrli oryndaýshylardyń halyqaralyq festıvali ótedi,
dep habarlaıdy QR Mádenıet jáne aqparat mınıstrliginiń baspasóz qyzmeti.
Kontsertte QR halyq artısi Qaırat Baıbosynov, Qazaqstannyń eńbek sińirgen qaıratkeri E.Shúkimanov, A.Almatov tárizdi dástúrli ánshiler men QR eńbek sińirgen artısi A.Úlkenbaeva, QR Mádenıet qaıratkeri J.Júzbaev tárizdi dástúrli kúıshiler jáne túrki tildes elderdiń ónerpazdary óner kórsetedi. Kontserttik baǵdarlamaǵa Qurmanǵazy, Dáýletkereı, Qazanǵap, Dına, Súgir, Táttimbet sııaqty tanymal dáýlesker kúıshilerdiń kúıleri jáne qazaqtyń dástúrli (Arqa, Batys, Jetisý, Syr) ánderi engizilgen.
Kontsertke TÚRKSOI-dyń, Túrki tildes elderdiń ıÝNESKO isteri jónindegi Ulttyq Komıssııasynyń, Halyqaralyq Dástúrli Mýzyka uıymynyń basshylyǵy jáne shet elderden mýzyka zertteýshileri qonaq retinde shaqyrylyp otyr.
Іs-sharanyń basty maqsaty - álemdik mýzyka óneriniń damýyna aıtarlyqtaı úles qosqan qazaq jáne túrki halyqtarynyń dástúrli mýzykasyn, sonyń ishinde áni men kúıin jan-jaqty nasıhattaý, dástúrli mýzykaǵa júıeli túrde qamqorlyq jasaý jáne túrki halyqtary arasyndaǵy mádenıet baılanysty jaqyndata túsý jáne t.b. bolyp tabylady.
Eki jylda bir ret ótkizilip kele jatqan dástúrli festıvaldiń uıymdastyrýshysy - Qazaqstan Respýblıkasynyń Mádenıet jáne aqparat mınıstrligi.
