Astanada «Uly dala sazy» dástúrli óner oryndaýshylarynyń halyqaralyq festıvali ótedi

Bul týraly QR Mádenıet mınıstrliginen málim etti.

Halyqaralyq festıvaldiń maqsaty - túrki halyqtarynyń áni men jyryn, kúıi men sazyn, eposyn jan-jaqty nasıhattaý, qazaq klassıkalyq dástúrli mýzykasyna, folklorǵa júıeli túrde qamqorlyq jasaý isin uıymdastyrýǵa muryndyq bolý sonymen qatar, dástúrli mýzykanyń barlyq janrlaryn, ásirese kenje qalǵan, sırek ushyrasatyn aspaptarda oryndalatyn janrlardy jańǵyrtý.

Festıvalǵa Qazaqstannan bólek Ázirbaıjan, Qyrǵyzstan, Ózbekstan, Reseı Federatsııasy jáne Túrikmenstan elderiniń aıtýly mýzyka oryndaýshylary qatysyp, «jandy oryndaý» shartymen óner kórsetedi.

Dástúrli mýzykanyń qyr-syryn jetik meńgergen ónerpazdar shertpe, yspaly, úrlemeli aspaptarda óner kórsetip, án- jyr, terme, naqyl- nasıhat, dastan- epostardy oryndaý sheberlikterin pash etedi.

Festıvaldyń sońy qyrkúıektiń 16-sy kúni keshqurym ótetin gala-kontsertpen aıaqtalady.

Іs-sharany uıymdastyrýshylar - QR Mádenıet mınıstirligi jáne «Qazaqstan halqynyń rýhanı damý qory» AQ.