Astanada ulttyq sport túrlerinen jarys ótti
QYZYLORDA - ASTANA. QazAqparat - 13 tamyz kúni Astanadaǵy «Qazanat» ıppodromyndaǵy etnoaýylda «Syr shejiresi» atty qolóner sheberleriniń jáne oblystyń tarıhy men mádenıetine arnalǵan kórmesi, Syr óńiri ónerpazdarynyń merekelik kontserti, ulttyq sport túrlerinen jarystar uıymdastyryldy, dep habarlaıdy Qyzylorda oblysy ákimdiginiń baspasóz qyzmeti.
«Qazanat» ıppodromyndaǵy etnoaýylda ulttyq sport túrlerinen (at ústindegi óner, aýdaryspaq, teńge ilý, qyz qýý, jamby atý, toǵyzqumalaq, asyq atý, qazaqy tuqymdy tazylardyń kórsetilimi) jarystar usynyldy. Qyzylorda oblysynan aýdaryspaq boıynsha QR jeńimpazdary Ábdinasredın Faızýlla, Serik Ámirseıit, kúmis júldeger Serik Ǵabıt, qola júldeger Murathan Qýandyq, birneshe dúrkin júldeger Ersultan Isabek, jamby atýdan QR alǵashqy chempıony, teńge ilýden QR birneshe dúrkin júldegeri Jarqynbek Almaǵanbetov, jamby atýdan QR kúmis júldegeri Bekqalı Ózdenbaevtar qatysyp, aımaq namysy úshin synǵa tústi.
Al túıe palýandar saıysynda «Qazaqstan barysy - 2017» ataǵyn jeńip alǵan Elaman Erǵalıev, QR chempıony, sambodan Azııa chempıony Maqsat Isaǵabylov, QR chempıony Nurym Sálimgereev, QR chempıonatynyń kúmis júldegerleri Marat Baımahanov pen Jaıdar Esenovter baq synasty.
Sondaı-aq etnoaýylda Qyzylorda oblysy ónerpazdarynyń, onyń ishinde jyrshy-termeshiler, dástúrli oryndaýshylar men Turmaǵambet atyndaǵy halyq aspaptar orkestriniń merekelik kontserti jáne «Syr shejiresi» atty qolóner sheberleriniń jáne oblystyń tarıhy men mádenıetine arnalǵan kórmesi uıymdastyryldy.
Kórmege zergerlik buıymdar men aǵash buıymdar, Syr sulýlary kıgen kıim úlgisi, HІH ǵasyrdan bizge jetken aǵashtan oıylyp jasalǵan keseqap jáne t.b. jádigerler qoıyldy.
Aıta keteıik, kórme 10-20 tamyz aralyǵynda ótedi. Oǵan Qyzylorda oblysynan 25 qolóner sheberi qatysýda. Sonymen qatar sheberler súıek ónimderin óńdeý, toqyma toqý jáne zergerlik buıymdar jasaý óneri boıynsha sheberlik synyptaryn uıymdastyrdy.
Esterińizge sala keteıik, Astanada «EKSPO-2017» halyqaralyq mamandandyrylǵan kórmesi aıasynda 10-14 tamyz aralyǵynda Qyzylorda oblysynyń mádenıet kúnderi ótýde.
