Astanada ulttyq panteonnyń úzdik eskızi tanystyryldy
ASTANA. QazAqparat - Astanada Táýelsizdik saraıynda Qabanbaı batyr kenti aýdanynda ornalasatyn Qazaqstan Respýblıkasynyń Ulttyq panteonynyń úzdik eskız ıdeıasyna halyqaralyq sáýlet baıqaýy boıynsha eńbekter tanystyryldy.
Atalǵan is-shara Astana qalasynyń ákimi Imanǵalı Tasmaǵambetovtyń tóraǵalyǵymen ótti. Bul týraly astana.kz saıtyna Astana qalasy ákimi apparatynyń baspasóz qyzmetinen habarlady.
Baıqaýǵa osyndaı obektilerdi jobalaýda tájirıbeleri bar 7 úzdik kompanııa, sonyń ishinde, 3 sheteldik (AQSh, Italııa, Iran) jáne 4 qazaqstandyq kompanııa qatysty. Atap aıtqanda, «KAZGOR» JShS (Qazaqstan), Qazaqstannyń sáýletshiler odaǵy (Qazaqstan), Qazaqstannyń dızaınerler odaǵy (Qazaqstan), «Astana bas jospary ǴZJI» JShS (Qazaqstan), EDAW AECOM (AQSh), Marıo Kýchınella (Italııa), Kýrosh Rafıeı (Iran).
Baıqaý talaptaryna sáıkes keletin 20 joba irikteldi, sonyń ishinde, 7 joba tapsyryspen jáne 13 joba bastamashyl ıdeıa túrinde usynylyp otyr.
Qazaqstan Respýblıkasynyń Ulttyq panteonynyń úzdik jobalary baıqaýynyń qorytyndysy Astana qalasynyń qala qurylysy keńesiniń múshelerimen qarastyrylǵannan keıin, sondaı-aq, Memleket basshysynyń qatysýymen ótetin Astananyń damý máselelerine arnalǵan jınalys qorytyndysy boıynsha jarııalanatyn bolady.
