Astanada Ulttyq murajaıdan 600 adam qaýipsiz jerge shyǵaryldy
ASTANA. QazAqparat - Kúdik týdyratyn zattyń tabylýyna baılanysty Astanada Ulttyq murajaıdan 600 adamdy qaýipsiz jerge shyǵarýǵa týra keldi.
«Búgin saǵat 17.00-de Astana qalasy ІІD Jedel basqarý ortalyǵynda Ulttyq murajaıdyń qaýipsizdik qyzmeti qyzmetkerinen murajaı ǵımaratynda kúdik týdyratyn zat (qorap) tabylǵany týraly habarlama kelip tústi. Oqıǵa ornyna Astana ІІD tergeý-jedel toby, kınologııa qyzmeti men shuǵyl qyzmet qyzmetkerleri dereý jetti», - dep habarlady Astana q. ІІD baspasóz qyzmetinen.
Murajaı ǵımaratynan 600-deı adam (onyń ishinde kelýshiler de bar) evakýatsııalandy. Tekserý barysynda jarylǵysh zat tabylǵan joq.
