Astanada Ulttyq gvardııanyń áskerı qyzmetkerleri tonaýshyny ustady
ASTANA. QazAqparat - QRUlttyq gvardııasynyń áskerı qyzmetkerleri elorda kóshelerin patrýldeý kezinde stýdent qyzdy tonaǵan er adamdy ustady.
28 mamyr keshinde belgisiz er adam agrarlyq ýnıversıtettiń aýdanynda 20 jastaǵy boıjetkenniń sómkesin alyp, qasha jóneldi. Sómkede jeke múlikten basqa, onyń uıaly telefony men aqshasy bolǵan. Ustalǵan er adam eshqaıda jumys istemeıtin Aqmola oblysynyń 30 jastaǵy turǵyny bolyp shyqty, dep habarlady Astana qalalyq ІІD-niń baspasóz qyzmetinen.
Atalǵan faktimen «tonaý» baby boıynsha sot aldyndaǵy tergeý bastaldy. Ustalǵan azamattyń qala aýmaǵynda osyǵan uqsas basqa qylmystarǵa qatystylyǵy tekserilip jatyr.
Qyzmettik mindetterin adal atqarý, qylmysty ashý kezindegi saýatty ári jedel áreketteri úshin Astana qalalyq ІІD bastyǵy, poltsııanyń general-maıory Amantaı Áýbákirovtiń buıryǵymen QR Ulttyq gvardııasynyń áskerı qyzmetkerleri - efreıtor Bostan Ábdiryhman baǵaly syılyqpen (qolsaǵat), qatardaǵy jaýyngerler - Yrasyl Mýtalı men Jumabek Manapov - gramotalarmen, al kapıtan Baǵdat Shomanov - Astana qalalyq ІІD bastyǵynyń Alǵys hatymen marapattaldy.
