Astanada Ulttyq bankti polıtsııa «qorshaýǵa» aldy
ASTANA. QazAqparat - Búgin túski saǵat 15.00-den keıin Astana qalalyq mamandandyrylǵan kúzet qyzmeti basqarmasynyń qyzmetkerleri Ulttyq bank ǵımaratyn "qorshaýǵa" aldy, dep habarlaıdy QazAqparat tilshisi oqıǵa ornynan.
Polıtsııa qyzmetkerleri Ulttyq bank ǵımaraty ornalasqan Beıbitshilik kóshesin Abaı kóshesinen bastap jaýyp tastady. Al, arnaıy kıim kıgen jıyrmadan bastap qyzmetker bank aınalasynda oqý-jattyǵý jumystaryn júrgizdi.
"Bul polıtsııa qyzmetkerleriniń keshendi kúsh qurylymynyń josparly oqý-jattyǵýy. Oqý-jattyǵý jumystary kúzetiletin nysandardy tıisti deńgeıde qorǵaý maqsatynda uıymdastyrylady",-dedi QazAqparat tilshisine Astana qalalyq Іshki ister departamentiniń baspasóz hatshysy Sofıa Ənýarbekqyzy.
Onyń aıtýynsha, bul oqý-jattyǵý jumystary vedomstvolyq buıryqqa saı ótken.
