Astanada Ulttyq akademııalyq kitaphanada «Tyńǵa 60 jyl» kórmesi ashyldy

Kórmege QR Prezıdentiniń muraǵatynda saqtaýly turǵan Qazaqstandaǵy tyń jáne tyńaıǵan jerlerdi ıgerýdiń negizgi kezeńderi týraly qyzyqty qujattar men materıaldar qoıylǵan. Kóptegen qujattar alǵash ret osy kórmeden oryn aldy. Sonymen qatar QR Ulttyq akademııalyq kitaphanasy qoryndaǵy atalmysh taqyrypqa qatysty kitaptar, jýrnaldar, gazetter kópshilikke usynylyp otyr.

Kórme 6 bólimnen turady, tyń jáne tyńaıǵan jerlerdi ıgerýdiń bastaýyna negiz bolǵan oqıǵalardan alynǵan materıaldar (KOKP OK-niń pleným materıaldary, «Memlekettegi astyq óndirisin odan ári arttyrý men tyń jáne tyńaıǵan jerlerdi ıgerý týraly» KOKP OK-niń jáne Qazaqstan Kompartııasynyń OK-niń (1954 j.) qaýlylary; Qazaqstannyń tyń ıgerý epopeıasynyń alǵashqy tolyq taldaýy, KSRO odaqtyq respýblıkalaryndaǵy azamattarynyń tyń ıgerýge jiberilýi týraly, qonys aýdarýshylardyń turmystyq jaǵdaılary men alǵashqy tyń ıgerýshilerdiń aldynda kezdesken qıyndyqtary týraly (fotosýretteri) aryzdary, Qazaqstannyń alǵashqy mıllıard put astyǵy (1956 j.), jastardyń búkilhalyqtyq iske jumylýy,tyń ıgerý ólkesine birinshi basshylardyń, jazýshylardyń, qoǵam jáne mádenıet qaıratkerleriniń kelýi, tyń ıgerýshilerdiń turmys máseleleri, kezdesken qıynshylyqtary týraly qujattar men materıaldar berilgen.

Tyń týraly qujattar tek qana joǵary ónim týraly partııa komıtetteriniń qýanarlyqtaı esepteri ǵana emes. Ol - tyń aımaqtarynda ekologııalyq apattylyqtyń shegine jetýi, dala landshaftynyń joıylýy, eginjaıdyń lastanýy, topyraqtyń jel erozııasyna ushyraýy, agrotehnıkanyń saqtalmaýy, tyń dáýirnamasyn uıymdastyrýdaǵy salmaqty qatelikter men jańylys esepteýlerdiń jiberilgeniniń kýási.