Astanada «Ulttyń uly ustazy» atty kitap kórmesi ashyldy
ASTANA. KAZINFORM — QR Ulttyq akademııalyq kitaphanasynda ult ustazy Ahmet Baıtursynulynyń týǵan kúnine oraı «Ulttyń uly ustazy» atty kitap kórmesi ashyldy. Bul týraly Mádenıet jáne aqparat mınıstrligi málim etti.
Kórmeniń maqsaty – oqyrmandarǵa ǵalymnyń qundy muralaryn keńinen dáripteý, shyǵarmalaryn tanystyrý jáne ulttyq qundylyqtardy nasıhattaý.
Kitap kórmesinde A.Baıtursynuly shyǵarmalarynyń alty tomdyǵy, «Ádebıet tanytqysh», «Til taǵylymy», «Aq jol», «Masa», «Qyryq mysal», «Jan sózimdi kim túsiner?», sondaı-aq «Ahmet Baıtursynulynyń tiltanymdyq murasy», «Alash murasy», «Arystary Alashtyń», «Alashorda» eńbekteri jáne ǵalymnyń ómiri men shyǵarmashylyǵyna arnalǵan basqa da zertteý eńbekteri qoıyldy.
Kórmege jalpy 100-den asa qundy basylym men qujat usynyldy.
Eske sala keteıik, búgin Ahmet Baıtursynulynyń týǵan kúnine oraı Astanadaǵy Qalamgerler alleıasynda ornalasqan «Alash qaıratkerleri» eskertkishine gúl shoqtaryn qoıý rásimi ótti.