Elordada ulttyq mýzyka men álem klassıkasynyń týyndylary shyrqaldy
ASTANA.KAZINFORM - Roza Baǵlanova atyndaǵy «Qazaqkontsert» memlekettik akademııalyq kontserttik uıymynda Qazaq memlekettik sımfonııalyq orkestriniń «Jańa Álem» kontserti ótti.
Kontsertte qazaq kompozıtorlarynyń tańdaýly týyndylary men álem klassıkasynyń jaýhar shyǵarmalary oryndaldy. Ahmet Jubanovtyń týǵanyna 120 jyl tolýyna oraı Ahmet Jubanov pen Latıf Hamıdıdiń «Abaı» operasyndaǵy bı sıýıtasy kópshilikke usynyldy.
Mádenıet jáne aqparat mınıstrligi málimetinshe, sondaı-aq kesh barysynda Edvard Grıgtiń «Per Gıýnt» sıýıtasynyń birinshi bólimi men Antonın Dvorjaktyń áıgili №9 «Jańa álem» sımfonııasy shyrqaldy.
Kontsert ulttyq mýzykanyń baı murasyn nasıhattaýǵa, tyńdarman talǵamyn ósirýge jáne álem klassıkasynyń úzdik shyǵarmalaryn kópshilikke tanystyrýǵa baǵyttaldy. Mundaı keshter elimizdegi sımfonııalyq mýzykanyń damýyna yqpal etedi.
Aıta keteıik, Ulttyq ulan alǵash ret jasandy ıntellekt qoldanylǵan kontsert ótkizdi.
