Astanada Ulttyq quzyretter ortalyǵy qurylady

ASTANA. KAZINFORM – Oqý-aǵartý mınıstri Ǵanı Beısembaev Úkimet otyrysynda Astanada Ulttyq quzyretter ortalyǵy qurylatynyn aıtty.

— Jumysshy mamandyqtar jylynyń taǵy bir jańalyǵy Astana qalasynda Ulttyq quzyretter ortalyǵyn qurý bolmaq. Bul ortalyq kásibı quzyretterdi, jańa tehnologııalyq sheshimderdi, zamanaýı kásibı daǵdylardy ázirlep, óndiriske engizýge yqpal etedi, — dedi Ǵanı Beısembaev.

Onyń aıtýyna qaraǵanda mundaı ortalyqtar álemniń aldyńǵy qatarly ındýstrıaldyq memleketterinde burynnan bar.

— Sonymen qatar, Ulttyq quzyretter ortalyǵy bazasynda jyl boıy halyqaralyq chempıonattarǵa arnalǵan oqý-jattyǵý lagerleri, respýblıkalyq chempıonat, pedagogterge arnalǵan salalyq kýrstar ótkiziledi, — dedi mınıstr.

Eske salsaq, Prezıdent Jarlyǵymen 2025 jyl Jumysshy mamandyqtarynyń jyly dep jarııalanǵan edi.