Astanada ulttyq kıim men etnıkalyq dızaınǵa arnalǵan halyqaralyq festıval ótti
ASTANA. KAZINFORM - Qazaqstan Ulttyq mýzeıinde Mádenıet jáne aqparat mınıstrliginiń qoldaýymen «Dástúr jáne qazirgi álem» atty halyqaralyq festıvaldiń ashylý saltanaty ótti.
Dástúrli jáne zamanaýı ónerdiń úılesimin tanytqan is-sharada qala turǵyndary men qonaqtary ulttyq kıim men etnıkalyq dızaın áleminiń baı ári biregeı murasymen tanysty. Festıvaldiń basty ereksheligi – dızaınerler, halyq óneriniń sheberleri, etnograftar jáne dástúrge qyzyǵýshylyq bildiretin jas ónerpazdardyń bir alańda bas qosýy.
Іs-sharanyń negizgi maqsaty – mádenı murany saqtaý jáne dástúrlerdi zamanaýı óner aıasynda jańa qyrynan tanytý. Ulttyq jáne tarıhı kostıýmderdi nasıhattaýmen qatar, festıval salt-dástúr men qundylyqtardy zamanaýı forma men beıneler arqyly kórsetýge múmkindik ashty.
Festıvalge túrli mádenıet ókilderiniń qatysýy ulttyq kıimderdiń tarıhy men mazmunyn keńinen talqylaýǵa jaǵdaı jasady. Dızaınerler men sheberler dástúrli elementterdi shyǵarmashylyq turǵydan jańasha ınterpretatsııalap, tyń obrazdar jasaı aldy.
Baǵdarlama vernısajdan jáne dástúrli óner men etnodızaınǵa arnalǵan sheberlik sabaqtarynan bastalyp, saltanatty ashylý rásimi men ulttyq jáne zamanaýı jastar kıimderiniń defıle kórsetilimimen jalǵasty.
Festıval sońynda qatysýshylarǵa dıplomdar tabystaldy.
Aıta keteıik, Qazaqstannyń Ortalyq áskerı orkestri Dohada ótetin festıvalde óner kórsetedi.