Astanada Ulttyq kıim kúnine oraı festıval ótti
ASTANA. KAZINFORM – Naýryznama onkúndigi aıasynda Ulttyq akademııalyq kitaphanada «Nomad Style Show» ulttyq festıvali uıymdastyryldy. Bul týraly Mádenıet jáne aqparat mınıstrligi habarlady.
Іs-sharaǵa Astana qalasyndaǵy etnomádenı birlestikterdiń ókilderi qatysty. Qatysýshylar dástúrli kıimder men halyqtardyń mádenı erekshelikterin tanystyrdy.
Qazaq, orys, polıak, belarýs, tatar, ózbek jáne basqa da etnostardyń ulttyq kıimderi kórsetildi. Sondaı-aq qatysýshylar halyqtardyń ádet-ǵuryptary men dástúrlerimen tanysyp, ulttyq ánderdi tyńdap, bı qoıylymdaryn tamashalady.
Bul is-shara mádenı ártúrlilikti dáriptep, ulttyq murany saqtaýda mańyzdy alańǵa aınaldy.
Aıta keteıik, Qytaıdaǵy qazaqtar ulttyq kıimnen ajyramaǵan. Bul týraly aspanasty elinde óz brendin qalyptastyrǵan qazaq qyzy Jibek Joly telearnasynyń «Búgin Live» baǵdarlamasynda aıtty.