Astanada Ulttyq dombyra kúnine oraı gala kontsert ótedi

ASTANA. KAZINFORM — Astanada Ulttyq dombyra kúnine arnalǵan «Altyn dombyra» óner mektebiniń «Jastar» saraıymen birlesken gala kontserti ótedi. 

Іs-sharanyń maqsaty – jas urpaqtyń shyǵarmashylyq qabiletin ósire otyryp, otansúıgishtikke baýlý, ulttyq qundylyqtardy qurmetteıtin, óresi bıik urpaq tárbıeleý. Ónerge beıimdeý arqyly ásemdik álemin tanytý, ónerge degen súıispenshiligin, ynta-yqylasyn arttyrý.

Uıymdastyrýshylar kelýshilerge arnap jaryqtandyrý, LED ekranda altyn dombyranyń beıne rolıkterin ázirlep otyr, sol sııaqty jandy daýysta aspaptyq súıemeldeý (bend) ótedi.

Keshte Daryn memlekettik syılyǵynyń ıegeri, ánshi Ibragım Eskendir, Mádı Syzdyqov, «Altyn dombyra» ulttyq óner mektebiniń ulaǵatty ustazdary men ónerli shákirtteri, «Jastar» saraıynyń «Astana» estradalyq-sımfonııa orkestri óner kórsetedi.

Gala kontsertte qazaqtyń dástúrli ánderi men kúıleri oryndalady. 

Aıta ketelik Astanada búgin otshashý bolady.