Astanada ulttyq ońaltý ortalyǵy órtenip, 300 naýqas bala shuǵyl kóshirildi

ASTANA. KAZINFORM — Astanada ulttyq balalardy ońaltý ortalyǵynyń ǵımaratynan órt shyqty. 

Qalalyq TJD málimetine sensek, 3 sáýir saǵat 19:58-de Turan dańǵyly, 36 mekenjaıynda ornalasqan ulttyq balalardy ońaltý ortalyǵynyń transformatorlyq qosalqy stansasynyń jertólesinde elektr kabeli janǵan.

Odan shyqqan ottyń betin qaıtarýǵa untaqty órt sóndirgish qoldanyldy.

Órt sóndirýshilerdiń úılesimdi áreketiniń arqasynda saǵat 21:13-te jalyn oqshaýlanyp, 21:20-da sóndirildi. 

Em alyp jatqan 300 bala óz betinshe ǵımarattan shyǵyp úlgergen. 

Eshkim zardap shekken joq. 

Órttiń aldyn ala sebebi — elektr symynyń qysqa tuıyqtalýy.

Medıtsına mekemesi Densaýlyq saqtaý mınıstrligine qaraıdy. 

«Astana ákimdigi patsıentterdi ornalastyrýǵa kómektesti. Janynda anasy bar balalar qalanyń qonaq úılerine jáne ulttyq ǵylymı kardıohırýrgııa ortalyǵyna kóshirilgen. Astanada turatyn naýqastar úıine jiberildi. Qajet bolǵan jaǵdaıda qala statsıonarlaryna aýystyrylady. Búkil patsıentter medıtsınalyq qoldaýmen qamtamasyz etiledi» deıdi ákimdikten.

Ulttyq balalardy ońaltý ortalyǵy shamamen 4-5 sáýirde jumysyn qaıta bastaıdy.