Astanada úlgi tutarlyq jumys berýshiler anyqtaldy
ASTANA. QazAqparat - Astana qalasynyń ákimdigi múmkindigi shekteýli jandarǵa arnalǵan jumys oryndarynyń kvotasyn oryndaǵan elordanyń úzdik 10 jumys berýshilerin anyqtady. Bul týraly «Astana qalasy ákimdiginiń Halyqty jumyspen qamtý ortalyǵy» KMM baspasóz qyzmeti málimetinde aıtylǵan, dep habarlaıdy QazAqparat.
Sonymen, úzdik jumys berýshiler retinde «Azamattarǵa arnalǵan úkimet» memlekettik korporatsııasy» kommertsııalyq emes aktsıonerlik qoǵamy Astana qalasy boıynsha «Halyqqa qyzmet kórsetý ortalyǵy» departamenti, «Keruen City» JShS, «Egemen Qazaqstan» respýblıkalyq gazeti» AQ, «Aýyl sharýashylyǵyn qarjylaý qoldaý qory» AQ, «QazAgro» ulttyq basqarýshy holdıngi» AQ tanyldy. Munymen qosa bul tizimge «Saıran Birlestigi» JShS, «Qarshaǵa kúzet» JShS, «Tselıngıdromash» ÓK, «Build System» JShS, «Turan-Astana» ýnıversıteti endi.
Eske sala ketsek, Astana qalasy ákimdiginiń 2016 jylǵy 16 qarashadaǵy «Jumys oryndarynyń kvotasyn belgileý týraly» qaýlysyna sáıkes, azamattardyń bólek sanatyna arnalǵan jumys oryndarynyń kvotasy bar. Jańa ereje boıynsha elordanyń jumys berýshilerine jumysshylar sanynyń tiziminen múgedekterge arnalǵan jumys oryndaryna kvota bekitilgen: 50 den 100 adamǵa deıin - 2 paıyz; 101 den 250 adamǵa deıin - 3 paıyz; 251 den joǵary - 4 paıyz.
