Astanada Úleskerlik týraly zańdy buzǵan 20 qurylys kompanııasynyń nysandary anyqtaldy
ASTANA. QazAqparat - Úleskerlik týraly zańdy buzǵan 20 qurylys kompanııasynyń nysandary boıynsha Astana ákimdigi men prokýratýra tekseris júrgizip jatyr. Bul týraly búgin Astana ákiminiń orynbasary Sergeı Horoshýn málim etti.
«Úleskerlik qatysý týraly zańdy elemeı, turǵyndardan páterge aldyn ala qarajat jınaǵan qurylys kompanııalaryna qatysty quqyq qorǵaý organdarynyń qatysýymen arnaıy komıssııa quryldy. Qazirgi ýaqytta 44 nysan boıynsha tergeý júrgizilýde. 25 nysan jobalaý ústinde bolsa, 19 nysan qurylysy júrip jatyr. Ol nysandardyń qurylysyn 20 kompanııa salyp jatyr», - dep atap ótti ákimniń orynbasary. S.Horoshýnnyń aıtýynsha, olardyń basym bóligi tipti, qurylys jumystaryn júrgizýge ruqsat ta almaǵan bolyp shyqty. Zań buzýshylyqtardy turǵyndardyń aryzdary men arnaıy tekseristiń nátıjesinde anyqtaldy. «Saqaldy» qurylystardyń ishine «Azbýka jılıa», «Tólendi», «Ál-Baraqat», «Sezam stroıservıs», «Sheıx Kazınvest» jáne «Tamyz ınvestgrýpp» kompanııalarynyń nysandary kirgen. Qazirgi ýaqytta úleskerlik týraly zańdy buzǵan 40 nysan boıynsha páterlerdi satýǵa tyıym salyndy.
