Astanada úleskerlerdiń aqshasyn jegen taǵy bir kásipker tutqyndaldy
ASTANA. QazAqparat - Astanada úleskerlerdiń mıllıondaryn jınap alyp, úısiz qaldyrǵan kásipkerler áli tutqyndalyp jatyr. Polıtsııa taǵy bir bıznesmenniń qolyna kisen salyp, qapasqa qamady.
Qamaýǵa alynǵan «Haziret» turǵyn úı keshenin salýǵa qatysy bolǵan Bagaev esimdi azamat, dep habarlaıdy.ktk.kz.
Buǵan deıin onyń dırektory - «Sheıh Kaz Invest" seriktestiginiń quryltaıshysy Olga Shnaıder tutqyndalǵan edi. Tergeý materıaldaryna súıensek, Shnaıder sybaılastarymen birge júzdegen úleskerden jınalǵan jarty mıllıard teńgeni qaltaǵa basqan. Aıta ketsek, Astanada úı salamyz dep aldap myńdaǵan turǵyndy taqyrǵa otyrǵyzǵan kásipkerler birazdan beri tutqyndalyp jatyr. «Ál-Barakat», «Kapıtalstroıservıs» kompanııasynyń jetekshileri de qamaýda sottyń bastalýyn kútýde. Biraq ustatpaı júrgender de bar. Máselen, jurttan 27 mıllıard teńge jınap alǵan eks-depýtat, «Azbýka jılıanyń» basshysy Erqanat Taıjanov Avstrııada boı tasalap júr.
