Astanada úleskerlerdiń 700 mln teńgesin jymqyrǵandardyń isi prokýratýraǵa jiberildi

ASTANA. QazAqparat - Astana qalalyq ІІD-niń Tergeý basqarmasy «ASÝA-2006» JShS, «RSR ı K», «Advanced Technology ltd» kásiporyndarynyń basshysy azamat M-ǵa qatysty sot aldy tergeýdi aıaqtady, olar Astana qalasynda І. Esenberlın kóshesi boıynsha ornalasqan «Aq jol» turǵyn úı kesheni qurylysyna úleskerlerden aldap aqsha jınaǵan ári iri kólemdegi senip berilgen qarajatty jumsap jibergen.

Astana qalalyq ІІD-niń baspasóz qyzmetiniń habarlaýynsha, atalmysh qylmystyq is 50 epızod boıynsha aıaqtaldy. Alaıda qalalyq ІІD-ge atalmysh tulǵaǵa qatysty jábirlenýshilerdiń shaǵymy áli de kelip túsýde. Jalpy shyǵyn somasy 700 mln teńgeden asady.

Qylmystyq is Astana qalasynyń prokýratýrasyna jiberildi, odan ári sotqa beriledi. Qazirgi ýaqytta aıyptalýshy tergeý ızolıatorynda qamaýda otyr.