Astanada úleskerlerdiń 1 mlrd teńgesin jymqyrǵan qurylys kompanııasynyń basshylary sottaldy
ASTANA. QazAqparat - Astanada eki kommertsııalyq qurylys kompanııalarynyń basshylary jáne rıeltorlyq keńse basshysy úleskerlerdiń aqshasyn jymqyrǵany úshin sotqa tartyldy, dep habarlaıdy QazAqparat.
Astana sotynyń baspasóz qyzmetiniń habarlaýynsha, 2014 jyldyń mamyr aıynan 2015 jyldyń mamyryna deıin eki kommertsııalyq qurylys kompanııalarynyń basshylary jáne rıeltorlyq keńse basshysy jer telimin alýǵa jáne qurylys júrgizýge ruqsaty bolmasa da, saraptamadan ótpegen, Astana bas sáýletshisimen kelisilmegen jobalyq-smetalyq qujattamasymen «Baı Taý» jáne «Sky City» kópqabatty turǵyn úı keshenderiniń páterlerin satqan.
Saldarynan 43 zardap shegýshi 1 003 052 429 teńge shyǵynǵa batqan jáne ol qarajat ótelmedi.
Astana qalasy №2 Esil aýdandyq sotynyń úkimimen sottalýshylar, top bolyp uıymdasyp, aldyn ala sóz baılasyp asa iri kólemde ózgeniń múlkin jymqyrýda aıypty dep tanyldy. Qurylys uıymdarynyń basshylaryna jalpy rejımdegi túzeý kolonııasynda 6 jyl 8 segiz aı jazasyn óteý, múlkin tárkileý jáne 5 jyl boıy kommertsııalyq uıymdarda uıymdastyrý-ákimshilik jáne materıaldyq-jaýapty qyzmettermen baılanysty jetekshilik qyzmetterdi atqarýǵa tyıym salý úkimi kesildi.
Rıeltorlyq keńse dırektoryna 5 jylǵa jalpy rejımdegi túzeý kolonııasyna bas bostandyǵynan aıyrý, múlkin tárkileý jáne 4 jylǵa kommertsııalyq uıymdarda uıymdastyrý-ákimshilik jáne materıaldyq-jaýapty qyzmettermen baılanysty basshylyq qyzmetterdi atqarýǵa tyıym salý jazasy taǵaıyndaldy.
Úkim zańdy kúshine engen joq.
