Astanada úleskerlerdi aldaǵan taǵy bir qurylysshy tutqyndaldy
Bul týraly búgin Astana qalalyq ІІD Tergeý basqarmasy bastyǵynyń orynbasary Asyljan Qaldarbekov málim etti, dep habarlaıdy QazAqparat.
«Qurylysshy tutqyndaldy. 5 qazan kúni Danııar Ahmedııarovqa qatysty tutqyndaý sharasy qoldanyldy. Ol sot sanktsııasymen ustaldy. Tergeý amaldary júrgizilýde. Oǵan «Alaıaqtyq» jáne «Qarjy jymqyrý» baptary boıynsha aıyptar taǵylyp otyr. Qazirgi ýaqytta biz buqaralyq aqparat quraldary arqyly onyń áreketinen zardap shekken qalǵan úleskerlerdi tapqymyz keledi», - dedi Qaldarbekov.
Onyń aıtýynsha, qozǵalǵan qylmystyq is óte kúrdeli. Óıtkeni, aınalymda úlken mólsherdegi aqsha qarajaty bolǵandyqtan, aýdıtorlyq tekserý júrgizý qajet.
«Buǵan qosa, aqyly negizde qurylysty ólsheý júrgiziledi. Osy jaıttarǵa baılanysty mundaı isterdi tergeý uzaqqa sozylady», - dep túsindirdi ol.
Sonymen qatar, basqarma bastyǵynyń orynbasary jyl basynan beri ishki ister departamentiniń óndirisinde alaıaq qurylysshylarǵa qatysty 11 qylmystyq is bar ekendigin, onyń 4-eýi sotqa jiberilse, qalǵan 7-eýi boıynsha tergeý amaldary júrgizilip jatqandyǵyn aıtty.
