Astanada úleskerlerdi aldaǵan kompanııa basshysy tergelip jatyr
ASTANA. QazAqparat - Astana qalasynyń ІІD «Kýrshavel» kópqabatty turǵyn úı-kesheni ınvestorlarynyń ujymdyq shaǵymyna baılanysty qylmystyq is qozǵady, dep habarlaıdy «QazAqparat» HAA tilshisi Astana qalasynyń ІІD baspasóz qyzmetine silteme jasap.
Quzyrly vedomstvonyń habarlaýynsha, Departamenttiń tergeý basqarmasy QR QK-niń 189- babynda qarastyrylǵan (bótenniń múlkin ıelený nemese jumsaý) qylmystyq isti tergeý ústinde.
«Kýrshavel» kópqabatty turǵyn úı-kesheni ınvestorlarynyń ujymdyq shaǵymy boıynsha senip tapsyrylǵan qarajatty ıelenip, jumsap jibergen «Kottedjnyı gorodok «Happy Village» JShS-niń jetekshisi Baqtyǵalı Ótegenovke qatysty sotqa deıingi tergeý júrgizilip jatyr. Onyń áreketi saldarynan joǵaryda atalǵan turǵyn úı kesheniniń qurylysy aıaqtalmaı qalǵan», - delingen habarlamada.
Astana qalasynyń ІІD atalǵan azamattyń áreketinen zardap shekken jábirlenýshiler bolsa (87172) 71-60-10, 74-62-28 telefondaryna habarlasýdy suraıdy.
