Astanada úleskerler máselesi ákimniń baqylaýynda
ASTANA. QazAqparat - Apta saıynǵy apparattyq keńes barysynda turǵyn úı qurylysyna úlestik qatysý Vedomstvoaralyq komıssııa (VAK) jumysy týraly Astana qalasy ákiminiń birinshi orynbasary Sergeı Horoshýn ákimniń aldynda esep berdi, dep habarlaıdy Astana qalasy ákimdiginiń resmı saıty.
Búginge deıin VAK baqylaýynda 53 problemalyq nysan bar. Ákim orynbasarynyń aıtýynsha, komıssııa otyrysynda 28 qurylysty aıaqtaý qaraldy.
Sergeı Horoshýn, sondaı-aq «Nurly jer» baǵdarlamasynyń iske asýy týraly aıtyp berdi.
«Qazirgi kúnde baǵdarlama aıasynda 21 turǵyn úı kesheniniń aıaqtalýy qaralyp jatyr. Bul degen 8 myń úlesker, ıaǵnı jalpy úleskerler sanynyń 60% quraıdy. Ár nysan boıynsha qarjylyq jáne tehnıkalyq aýdıtter, sondaı-aq jobalaý-smetalyq qujattama ázirlenýde», - dedi S. Horoshýn.
Ol sondaı-aq, osy jyldyń mamyr aıynda «Shyǵys» TK qurylysyn aıaqtaý boıynsha birlesken qyzmet týraly sharttyń qol qoıylǵanyn aıtty. Bul turǵyn úı toby tıisinshe «3B» jáne «3A».
«Aqjol» TQK obektisi boıynsha paıshylardyń jalpy jınalysy ótip nysan qurylysyn jańa qurylys salýshyny tarta otyryp derbes aıaqtaý týraly sheshim qabyldandy.
«Turan Syǵanaq» TK (199 paıshy) boıynsha qarjylyq jáne tehnıkalyq aýdıt júrgizý boıynsha qol qoıylǵan. Sondaı-aq, maýsym aıynda «Baqyt Arystan», «Stolıchnyı 2», «Moı Mırnyı Dom», «Baspana Kóktal» jalpy sany 1640 úleskerdiń basyn quraǵan TK-ri boıynsha osyndaı jumystar júrgizilý josparlanýda.
