Astanada úleskerler qarjysyn tartýǵa qandaı qurylys kompanııalarynyń quqyǵy joq
Elorda ákimdiginiń resmı saıtynda úleskerlerdiń aqshasyn tartýǵa ruqsaty joq qurylys salýshylardyń tizimi jarııalandy. Atalǵan tizimde kórsetilgen kóppáterli turǵyn úı keshenderinde qoldanystaǵy zańnamany aınalyp ótip jasalǵan barlyq mámileler (aldyn ala brondaý sharty, rezervteý sharty, ınvestıtsııalaý sharty, talap etý quqyǵyn basqaǵa berý sharty) jaramsyz bolyp sanalady.
«Nur-Sultan qalasynyń ákimdigi óz qarajatyńyzǵa saq bolýdy suraıdy jáne ruqsat qujattary bolmaǵan jaǵdaıda turǵyn úı satyp almaǵan jón.
«Turǵyn úı qurylysyna úlestik qatysý týraly» Qazaqstan Respýblıkasynyń zańnamasynda úleskerlerdiń qarajatyn tıisti ruqsatsyz qabyldaýǵa tyıym salynady. Bul rette QR Ákimshilik quqyq buzýshylyq týraly kodeksiniń 320-baby, sondaı-aq QR Qylmystyq kodeksiniń 214-baby boıynsha kásipkerlik qyzmettiń tyıym salynǵan túrlerimen aınalysqany úshin jaýapkershilik kózdelgen», - delingen habarlamada.
Barlyq suraqtar boıynsha Saryarqa aýdany, Beıbitshilik kóshesi, 9 mekenjaıynda ornalasqan «Nur-Sultan qalasy Qalalyq orta sapasy jáne baqylaý basqarmasy» MM-ge júginýge bolady. Baılanys telefondary: 8 (7172) – 55-04-28, 55-67-03.
