Astanada ulandyqtar eńbek ardagerleriniń aýlasyn tazalady
ASTANA. KAZINFORM — Astana qalasy Saryarqa aýdanynyń ákimdigi men Ulttyq ulan áskerı qyzmetshileri eńbek ardagerleriniń aýlalaryn qardan tazarartty. Bul týraly Ulttyq ulan baspasóz qyzmeti habarlady.
23 naýryz – Tazalyq kúnimen kóktemgi Naýryznama merekesiniń onkúndigi aıaqtalady.
Kún men túnniń teńelýine arnalǵan daıyndyq qorshaǵan ortany tazartýdy, eldi mekenderdi abattandyrýdy jáne Jer-Anaǵa qurmet kórsetýdi qamtıdy. Osyǵan oraı Astana qalasy Saryarqa aýdanynyń ákimdigi men Ulttyq ulan áskerı qyzmetshileri eńbek ardagerleriniń aýlalaryn qardan tazartý jumystaryn uıymdastyrdy.
— Kún jylynǵan saıyn qysta jınalǵan qar erip, úıimdi sý basady dep alańdap júr edim. Biraq sarbazdar aýlany jyldam ári muqııat tazalap berdi. Osyndaı meıirimdi, qaıratty jáne kómekke árdaıym daıyn azamattardy tárbıelegen ata-analaryna alǵys aıtamyn. Sondaı-aq Saryarqa aýdany ákimdigi men Ulttyq ulan basshylyǵyna rızashylyǵymdy bildiremin, – dep bólisti eńbek ardageri Galına Koreıba.
Mereke qarsańynda ulandyqtar taǵy birneshe ardagerdiń úıine baryp, aýladaǵy qardy tazartýǵa kómektesti.
Ulttyq ulan áskerı qyzmetshileri Naýryz meıramyn atap ótýde belsendilik tanytyp, ulttyq dástúrlerdi jańǵyrtý men nasıhattaýǵa óz úlesin qosty.
Aıta ketelik Ulttyq ulanǵa 7 000 jas sarbaz shaqyrylady.