Astanada ýkraın halyqtyq shyǵarmashylyǵynyń I halyqaralyq festıvali ótti

«Bul Qazaqstanda ótkizilgen ýkraına mádenıetiniń alǵashqy halyqaralyq festıvali. Munda eń úzdik ónerpazdar jınaldy jáne QR Prezıdentiniń jáne QR Úkimetiniń qoldaýymen olar óz ultynyń tól mádenıetin kórsetýge múmkindik aldy», - deıdi Ýkraınanyń Qazaqstandaǵy Elshiliginiń saıası keńesshisi Petr Tokarev.

Onyń sózine qaraǵanda, Astanadaǵy festıvalge Qazaqstannyń barlyq óńirlerinen jáne Ýkraına men Reseı elderinen 400-den astam qatysýshy bas qosty. Sonyń ishinde sharaǵa Ýkraınanyń Halyq ártisteri Vladımır Boldyrev pen Oleg Dzıýba, ýkraınalyq «Neksı» toby, halyqtyq «Altaır» bı ansambli (Aqtaý), «Mıraj» bı ujymy (Aqmola oblysy), «Oksana» halyqtyq ansambli (Aqtóbe), «Hýtorıanka» vokaldy ansambli (Atyraý) óz ónerlerin pash etti. Jalpy festıvalde 80-nen astam nomer qoıyldy.