Astanada UQK-nyń burynǵy tergeýshisine sot úkimi shyqty
ASTANA. QazAqparat - Astanada Ulttyq qaýipsizdiń komıtetiniń burynǵy tergeýshisine qatysty úkim shyqty, dep habarlaıdy QazAqparat.
Tergeý materıaldarynda atap ótilgendeı, sottalýshy UQK ortalyq apparaty ǵımaratyndaǵy seıften 9 mln teńge men 125 myń dollardy jymqyrǵan. Bul qomaqty qarjy QR QK Materıaldyq-tehnıkalyq qamtamasyz etý bas basqarmasy bastyǵynyń burynǵy orynbasary T. Jumqazıevtiń isi boıynsha zattaı aıǵaq retinde saqtalǵan bolatyn.
Sot ony QR Qylmystyq kodeksiniń 189-baby 4-bólik 2-tarmaǵy boıynsha kináli dep tapty. Úkimge sáıkes, 8 jylǵa bas bostandyǵynan aıyrý merzimi bekitildi. Sonymen qatar oǵan endi jeti jylǵa materıaldyq jaýapkershiliktegi laýazymdardy ıelenýge shekteý qoıyldy.
Sot Ashat Shotaıǵa qatysty QR UQK-nyń azamattyq talap-aryzyn qanaǵattandyrý týraly qaýly etti.
Atap aıtqanda, A. Shotaıdan QR Ulttyq qaýipsizdik komıteti paıdasyna 50 mln 71 myń 921 teńge somasynda materıaldyq shyǵyndy óndirip alý sheshimi shaǵyryldy.
