Astanada údemeli ındýstrııalyq-ınnovatsııalyq damý baǵdarlamasynyń ınvestıtsııalyq saıasaty talqylandy
dep habarlaıdy QazAqparat.
Negizgi sóz aýany Keden odaǵymen baılanysty ınvestıtsııalyq ahýaldyń ózgerýi, tikeleı ınvestıtsııalardy tartý, ındýstrııalandyrý protsesindegi tehnıkalyq retteý men sapa ınfraqurylymyn qurý, bıznes qoǵamdastyqtarymen birlese otyryp ónerkásipti damytý men olardyń standarttaryna qatysty máselelerin saralaý.
«Óńdeýshi salany damytýdyń eń basty joly tikeleı ınvestıtsııalardy tartý. Utymdy jobalar strategııalyq ınvestıtsııalardyń arqasynda jaqsy jyljıdy. Sebebi ınvestor óziniń jańa tehnologııalaryn, jetilgen menedjmentin, korporatıvti strategııasyn, brendin ala kelip, qazaqstandyq óndiriske engizedi. Atalmysh komponentter údemeli ındýstrııalyq-ınnovatsııalyq damý baǵdarlamasyna asa qajet», deıdi vıtse-mınıstr.
E. Esqalıevtiń aıtýynsha, tikeleı ınvestıtsııalar salasynda birqatar problemalar bar. Qazaqstanǵa keletin ınvestıtsııalyq aǵymyn arttyrý úshin eń bastysy tikeleı ınvestorlar tartýdyń naqtylanǵan qadamdarynyń bolýy, ınvestıtsııalyq salada bilimdi mamandardyń qataryn kóbeıtý jáne Qazaqstandaǵy bıznes alańdar týraly aqparattyń shetel ókilderine qoljetimdiligin jasaý kerek.
Otyrysqa memlekettik organdardyń, ulttyq kompanııalardyń jáne bıznes-qoǵamdastyqtyń ókilderi qatysty.