Astanada UBT tapsyratyn kúnder belgili boldy
ASTANA. QazAqparat - Astanada UBT tapsyratyn kúnder belgili boldy, dep habarlaıdy «Báıterek» halyqaralyq medıa-ortalyǵy. Elordalyq túlekter úshin UBT 2, 4 jáne 6 maýsym kúnderi ótetin boldy.
«3,5,7 maýsym - apellıatsııa ótkizetin kúnder. UBT saǵat 9.00-de bastalady. Oqýshylarǵa suraqtarǵa jaýap berý úshin 3,5 saǵat ýaqyt bólinedi. Al nátıjeleri sol tapsyrǵan kúni saǵat 18.00-den soń belgili bolady. UBT júıesi ózgerissiz qaldy, belgilengen mejelik ótý baly - 50 ball, al ulttyq joǵary oqý oryndaryna túsý úshin keminde 70 ball jınaý qajet», - dep jazylǵan habarlamada.
Astana qalasynyń bilim basqarmasynan habarlaǵandaı, 2013-2014 oqý jyldarynda elordada 4042 oqýshy mektep bitirmek.
