Astanada UBT-nyń birinshi kúngi qorytyndysynda eń joǵary ball 123 boldy
ASTANA. QazAqparat - Astana qalasynda Ulttyq biryńǵaı testileýdiń alǵashqy kúngi qorytyndysy shyǵaryldy. Taratylǵan málimetke sáıkes, elorda boıynsha ortasha ball 83,6, al eń joǵary ball - 123, dep habarlady qalalyq ákimdiktiń baspasóz qyzmetinen.
Astana qalasy Bilim basqarmasynyń habarlaýynsha, birinshi kúni 675 túlek test tapsyrǵan, sonyń ishinde, 252-si qazaq tilinde, al 423-i orys tilinde. L. N. Gýmılev atyndaǵy Eýrazııa ulttyq ýnıversıtetinde 501 túlek, S. Seıfýllın atyndaǵy Qazaq agrotehnıkalyq ýnıversıtetinde 173 túlek test tapsyrady. Eske sala keteıik, bıyl Ulttyq biryńǵaı testileýge (UBT) 3,5 myńnan astam astanalyq túlek qatysady. Jalpy, 4407 oqýshy mektepti támamdady. UBT tapsyratyn túlekterdiń ishinde 180 oqýshy «Altyn belgige» úmitker, al 79-y erekshe úlgidegi attestat alady.
