Astanada Ýálıhanov kóshesinde kólik qozǵalysy shekteledi
ASTANA. QazAqparat - Búgin, 21 qyrkúıekte saǵat 23.00 jergilikti ýaqyt boıynsha 30 qyrkúıekke deıin Sh. Ýálıhanov jáne J. Omarov kósheleriniń qıylysynda kólik qozǵalysy jabylady. Bul týraly ІІD ÁPB jol jáne tehnıkalyq ınspektsııa bólimi bastyǵynyń orynbasary Nurlan Ývaev baspasóz máslıhaty barysynda málim etti.
Astana qalasy Energetıka basqarmasynyń jylýmen qamtý bóliminiń bas mamany Bekmurat Adýovtyń aıtýynsha, elordada ınjenerlik júıelerdi jańǵyrtý men jylytý maýsymyna daıyndyq jumystaryna baılanysty atalǵan jol bóliginde kólik qozǵalysy shekteledi.
Sondaı-aq baspasóz máslıhaty barysynda Jolaýshylardy tasymaldaý jáne avtomobıl joldary basqarmasy jolaýshylardy tasymaldaýdy uıymdastyrý bóliminiń bas mamany Tursynǵalı Jakenov keıbir qoǵamdyq kólikterdiń baǵytynyń ózgeretini jaıly aıtty.
- 22-30 qyrkúıek aralyǵynda №4, 16, 24, 30, 39, 70, 73 marshrýttardyń baǵyty ózgeredi. Jol qozǵalysy Sembınov kóshesi arqyly júzege asady. Odan ári burynǵy baǵyt boıynsha júredi.
№ 1, 2, 13, 26, 33, 38, 42, 48, 49, 52, 76,103, 127 marshrýttar Respýblıka dańǵylymen, odan ári burynǵy baǵyt boıynsha júredi, - dedi T. Jakenov.
Baspasóz máslıhatynyń sońynda Astana qalasy ІІD Ákimshilik polıtsııa basqarmasynyń ókilderi júrgizýshilerden joldyń jabylýyna oraı júrý baǵytyn aldyn ala josparlap, jabyq aýdandardy aınalyp ótýdi ótindi.
