Astanada TJD ózge ult ókilderiniń arasynda «Memlekettik til - meniń tilim» baıqaýyn ótkizdi
Konkýrsqa TJD jáne vedomstvoǵa qarasty bólimsheleriniń 4 qyzmetkeri qatysty.
Baıqaý barysynda «Tanystyrý», «Maqal-mátelder», «Іs qaǵazdaryn oryndaý», «Óz ónerin kórsetý» tapsyrmalary oryndaldy.
Qatysýshylar ózderin tanystyryp, qazaq maqal-mátelderin aıtyp jarysty. Al sońǵy saıysta óz ónerlerin ortaǵa saldy. Baıqaýdyń qorytyndysy boıynsha, kadrlyq jumys bóliminiń bas mamany Anjela Medvedeva 1-oryn, «Órt sóndirý jáne avarııalyq qutqarý jumystary qyzmeti» MM KQJBO dıspetcheri órtke qarsy qyzmettiń kishi serjanty Zýhra Sýıýrova 2-oryn, «Órt sóndirý jáne avarııalyq qutqarý jumystary qyzmeti» MM 9-ÓSB qaraýyl bastyǵy órtke qarsy qyzmet leıtenanty Ivan Maksımov 3-oryn aldy. Jeńimpazdar gramotalarmen marapattaldy. Іs-shara memlekettik tildi qoldaný aıasyn keńeıtý, onyń mártebesi men mańyzyn keńinen nasıhattaý, ózge ult ókilderi arasynda qazaq tilin bilý deńgeıin kóterý jáne ony oqyp-úırenýge degen yqylasy men qyzyǵýshylyǵyn arttyrý maqsatynda ótkizildi.
Budan basqa, TJD jáne órt sóndirý jáne avarııalyq-qutqarý jumystary qyzmeti qyzmetkerleriniń arasynda «Tildaryn» baıqaýy ótkizildi. Baıqaý barysynda 4 tapsyrma oryndaldy: «Tanystyrý», «Termınderdi aýdarý», «Іlespe aýdarma», «Óner kórsetý». Jarys memlekettik ánuranmen ashyldy. Baıqaý qorytyndysy boıynsha, Almaty aýdany TJ basqarmasynyń TJ jáne AQ bóliminiń bastyǵy Almat Sansyzbaev úzdik atandy. Ol QR TJM ótkizetin baıqaýǵa joldama aldy. Іs-shara N.Nazarbaevtyń «Tilderdiń úshtuǵyrlyǵy» jobasyn júzege asyrý, úsh tildi - qazaq, orys jáne aǵylshyn tilderin meńgergen qyzmetkerlerdi anyqtaý jáne qoldaý maqsatynda uıymdastyryldy.
