Astanada TJD órt sóndirý qyzmetiniń basshysy taǵaıyndaldy

ASTANA. QazAqparat - Astana qalasy TJD «Órt sóndirý jáne avarııalyq-qutqarý jumystary» MM-niń jańa basshysy taǵaıyndaldy, dep habarlaıdy Astana qalasy TJD memlekettik til jáne aqparat toby.

Astana qalasy TJD «Órt sóndirý jáne avarııalyq-qutqarý jumystary» MM-niń jańa basshysy bolyp órtke qarsy qyzmet polkovnıgi Amanbaev Marǵulan Topashuly taǵaıyndaldy.

Naýryzdyń 2-si kúni Astana qalasy TJD bastyǵynyń mindetin atqarýshy, polkovnık Ibragım Kúlshimbaev jeke quramǵa «Órt sóndirý jáne avarııalyq-qutqarý jumystary» MM-niń jańa basshysyn tanystyrdy.

Amanbaev Marǵulan Topashuly 1973 jyly Qaraǵandy oblysy Jańaarqa aýdany Drýjba eldi mekeninde dúnıege kelgen. 1995 jyly Jezqazǵan taý-tehnıkalyq ınstıtýtyn, 2007 jyly QR TJM Kókshetaý tehnıkalyq ınstıtýtyn támamdaǵan.

Ol memlekettik órtke qarsy qyzmet organdarynda 2000 jyldyń mamyr aıynan bastap qyzmet etýde. 2012 jyldyń jeltoqsan aıynan bastap Astana qalasy TJD «Almaty» aýdany Tótenshe jaǵdaılar basqarmasynyń bastyǵy qyzmetin atqarǵan.

Jumysta jetken tabystary men qyzmettik mindetterin minsiz oryndaǵany úshin ol ІІІ dárejeli «Tótenshe jaǵdaılar júıesine eńbegi sińgen qyzmetker» tósbelgisimen, ІІІ dárejeli «Órtke qarsy kyzmet organdaryndagy minsiz qyzmeti úshin» medalimen, «Tótenshe jaǵdaılardyń aldyn alýda jáne joıýda úzdik shyqqany úshin» medalimen, «Qazaqstan Respýblıkasynyń Táýelsizdigine 20 jyl» mereıtoılyq medalimen, Qazaqstan Respýblıkasy Prezıdentiniń Alǵys hatymen, QR Tótenshe jaǵdaılar mınıstriniń Qurmet gramotasymen marapattalǵan.