Astanada TJD: adamdardyń eń kóp sýǵa ketý oqıǵasy maýsym aıynda tirkeledi
ASTANA. QazAqparat - Sýǵa túsý maýsymynyń ashylý qarsańynda Astana qalasynyń TJD turǵyndardy sýda shomylý jáne kómek kórsetý erejelerimen aqparattandyrý maqsatynda brıfıng ótkizdi.
1 maýsymda sýǵa shomylý maýsymy shartty túrde bastalǵanymen Esildegi sýdyń temperatýrasy nebári +12 gradýs qana, al júzýge bolatyn eń tómengi temperatýra +20 gradýs bolýy kerek. Statıstıkalyq málimetterge sáıkes, maýsym aıynda adamdardyń sýda qaza tabý jaǵdaılary kóp tirkeledi. Aýa temperatýrasy joǵary bolǵanymen, sýdyń tek joǵary qabattary ǵana jylynyp, al tereńinde 8-10°S tómen bolady. Bul qaıǵyly jaǵdaıdyń oryn alýyna ákelýi múmkin.
- Adam ómiri - basty qundylyq. Azamattar sýǵa túsken kezde qarapaıym erejelerdi saqtaý kerek ekendigin túsinýi kerek. Sýdyń ústińgi qabaty jylynǵanymen, túbi sýyq. Osyǵan baılanysty adamnyń sińirleri tartylyp, qaıǵyly jaǵdaı oryn alýy múmkin. Qala aýmaǵynda belgilengen 16 aımaqta tıisti jumystar júrgizilip, shomylý bolatyn jáne bolmaıtyn oryndar kórsetilgen kesteler ornatylady, - deıdi Astana qalasynyń TJD joıý bóliminiń basshysy Eldor Raıymbekov.
Qazirgi kezde elordada 80 qutqarýshy bar, tıisti jumystarǵa 23 kater tartylǵan.
