Astanada tynyshtyqty buzǵany úshin baıkerlerge aıyppul salynýda
ASTANA. QazAqparat - 30 maýsym men 2 shilde aralyǵynda Astanada mototsıkl júrgizýshilerine qatysty 31 ákimshilik quqyqbuzýshylyq anyqtalǵan. 11 mototsıkl men 2 skýter kommýnaldyq turaqqa qoıylǵan, dep habarlaıdy qalalyq ákimdiktiń baspasóz qyzmeti.
Aıta keteıik, qala basshysy Áset Isekeshevtiń tapsyrmasyna sáıkes Astana qalasynyń ІІD jergilikti polıtsııa qyzmeti kólik júrgizýshileri arasynda tártipti saqtaý jáne tynyshtyqty buzýdyń aldyn alý boıynsha sharalardy kúsheıtti. Budan bólek tártip saqshylary jol kólik oqıǵalaryn azaıtý úshin únemi reıdter júrgizip turady.
Máselen, mototsıkl júrgizýshileri arasynda negizgi quqyqbuzýshylyq QR Ákimshilik quqyqbuzýshylyq týraly Kodeksiniń 612-baby boıynsha oryn alady. Atap aıtar bolsaq, kólik quralyn qujatsyz basqarý nemese basqarýǵa quqyǵy joq (A sanaty joq) jaǵdaıǵa qatysty 14 zań buzýshy anyqtalǵan.
QR ÁQK 9-tarmaǵy 590-babyna sáıkes «Kólik quralyn paıdalaný erejelerin buzý», tehnıkalyq tekserissiz - 5 quqyq buzýshy. QR ÁQK 601-baby boıynsha «Jol belgilerinde kórsetilgen talaptardy nemese joldyń júrgin bóligindegi belgini saqtamaý» - 3 buzýshy jáne t.b.
Barlyq jol erejelerin elemegender ákimshilik jaýapqa tartyldy. Bul baǵyttaǵy jumystar jalǵasyn tabady.
