Astanada tyl eńbekkerlerine mereıtoılyq medaldar tabystaldy (FOTO)

ASTANA. QazAqparat - Elordadaǵy Qazaq ulttyq óner ýnıversıtetinde Saryarqa aýdanynda turyp jatqan tyl eńbekkerlerine mereıtoılyq medaldar tabystaldy, dep habarlaıdy astana.kz.

Rásim Uly Otan soǵysyndaǵy Jeńistiń 70 jyldyǵyna oraı professor Aıman Musaqojaevanyń bastamasymen jáne «Saryarqa» aýdany ákimi apparatynyń, sondaı-aq aýdandyq Ardagerler keńesiniń qoldaýymen qolǵa alyndy. Saryarqa aýdany ákiminiń orynbasary Sáýle Nurǵojına jáne aýdandyq Ardagerler keńesiniń tóraǵasy Ábenǵappas Ahmetov tyl ardagerlerine medaldardy tabystap, aldaǵy Jeńistiń 70 jyldyǵymen quttyqtady. Qazaq Ulttyq óner ýnıversıtetiniń stýdentteri soǵys ardagerleri men tyl eńbekkerlerine arnap arnaıy merekelik kontsert uıymdastyrdy. Bul sharaǵa qalalyq fılormonııa ártisteri de qatysty.