Astanada túıtkildi turǵyn úı qurylystaryna qatysty daý áli aıaqtalǵan joq
ASTANA. QazAqparat - Astanadaǵy turǵyn úı kesheni qurylysyndaǵy túıtkilder áli tolyq sheshimin tapqan joq, dep habarlaıdy QazAqparat HAA tilshisi.
Tergeý nusqasy boıynsha, «Oral-dızaın-stroıservıs» JShS-y Astanada Kóktal kentiniń oń jaǵynda 748 páterge shaqtalǵan 13 turǵyn úı keshenin salýy kerek bolǵan. Onyń bir bóligi ákimdik pen úleskerlerge tıesili. 2016 jyly sáýir aıynda kompanııa arnaıy ruqsaty joq bolsa da mansard qabattaryn turǵyzǵany anyqtaldy.
Sonymen qatar, satylǵan páterler qaıtara saýdaǵa shyǵarylyp, tipti keshende joq páterler satylyp kelgen.
«2014 jyly qańtar aıynda qurylys salýshy kompanııaǵa aıyppul salynyp, onyń lıtsenzııa toqtatylǵan. Bul sheshim bir aı ishinde barlyq kemshilikti joıý úshin berildi, alaıda is osy jerde toqtap qaldy. (...) Meniń bilýimshe sońǵy páter ústimizdegi jyldyń qyrkúıek aıynda satyldy», - dep atap ótti úleskerlerdiń biri Rahıma Sultanǵazına tilshimizge bergen suhbatynda. «Oral-dızaın-stroıservıs» JShS qurlys salýshysy Keńes Jumabekovtyń ústinen qozǵalǵan qylmystyq is elordanyń Saryarqa aýdandyq sotynda qaralýda.
