Astanada túıtkildi avtobýs baǵdarynyń máselesi sheshildi
ASTANA. QazAqparat - №60 avtobýs baǵdary qalalyq №1 mýnıtsıpaldyq avtoparkke berildi, bul týraly «Astana LRT» kompanııasy Feısbýktegi paraqshasynda jarııa etti.
Astanada 11 avtobýs baǵdarynyń qozǵalys kestesi ózgerdi. Kompanııanyń málimdeýinshe, №60 avtobýspen qatynaıtyn jolaýshylarǵa kórsetiletin qyzmet sapasy jaqsarmaq.
Bul baǵdar qalanyń sol jáne oń jaǵalaýyna qatynaıtyndyqtan óte kóp jolaýshy ony paıdalanady.
«Bizge kelgen shaǵymdardyń deni baǵdardyń kelip-ketý ıntervaly uzaqtyǵyna qatysty. Aldaǵy ýaqytta baǵdardyń qatynaý jıiligi burynǵy qalpyna keltiriledi. Qazir baǵdardy qalalyq №1 mýnıtsıpaldyq avtoparkke berý rásimderi jasalýda», - delingen habarlamada.
Kompanııanyń málimdeýinshe, bul ózgeris - jelige shyǵatyn avtobýstardyń sanyn artyrady, sondaı-aq avtobýs jıiligi bekitilgen kestege saı bolady, kelip-ketý ıntervaly qysqarady, baǵdarǵa kondıtsıoneri bar jańa avtobýstar shyǵarylady.
