Astanada «Túster arqyly baqytty túsiný» atty sýret kórmesi ashyldy

"Boıaý maestrosy" atanyp ketken B. Búrdesbekov - peızaj, keskindeme, natıýrmort janrlarynda, sonymen qatar tarıhı, turmystyq taqyryptaǵy sýretterdiń has sheberi. Onyń eńbekterindegi áıel obrazy tipti erekshe sıpatqa ıe. Ol áıel keskininiń tek syrtqy kelbetin, onyń rýhanı álemin, lırıkasyn, ishki jan dúnıesin asqan tebirenispen salatyn talanty ózge qylqalam mamandarynan erek bolyp turady.

"Munda meniń sońǵy úsh jylda salǵan 70-ke jýyq shyǵarmam qoıyldy. Negizinen abstarktili modernge jaqyn kartınalar kóp. Adamǵa tán emotsııalardyń, kúıdiń túrli sharttary berilgen. Kóp jylǵy jınaǵan tájirıbemdi salýǵa, bar jan-dúnıemdegi sezimderdi qaǵaz betine túsirýge tyrstym. Onyń endi shyn baǵasyn júz jyldan keıin keler urpaq bere jatar", - deıdi B.Búrdesbekov kórmeniń ashylý saltanatynda.

Búrdesbekov Baqytnur Baıqanuly - QR Sýretshiler odaǵynyń, QR Dızaınerler odaǵynyń múshesi, «Art-Ekspo 2011» (Nıý-Iork, AQSh) Halyqaralyq konkýrsynyń úsh altyn medaliniń ıegeri. B.B.Búrdesbekov 1962 jyly 29 sáýirde Almaty oblysynda týǵan. 1977-1981 jyldary N.Gogol atyndaǵy Almaty kórkemsýret ýchılışesinde, 1981-1989 jyldary - V.I.Mýhına atyndaǵy Lenıngrad joǵary kórkemóner-ónerkásiptik ýchılışede oqydy. 1992 jyldan Máskeýde respýblıkalyq jáne halyqaralyq kórmelerdiń («Uly jol» art-jobasy) qatysýshysy, halyqaralyq TÚRKSOI uıymy jáne QR Mádenıet jáne týrızm mınıstrligi uıymdastyrǵan túrkitildes elderi sýretshileriniń 8-halyqaralyq shyǵarmashylyq laboratorııasyna qatysqan, ol Aqmola oblysy Aqmol eldi mekenindegi saıası qýǵyn-súrgin jáne totalıtarızm qurbandaryna arnalǵan «Aljır» memorıaldy-murajaı kesheniniń tujyrymdamasynyń dızaın avtory.