Astanada turmysy tómen otbasylardyń balalary balabaqshaǵa tegin barady
ASTANA. QazAqparat - Elordada turmysy tómen otbasylardan shyqqan balalar jekemenshik balabaqshalarǵa tegin baratyn bolady. Bul týraly Astana qalasy Almaty aýdany ákiminiń orynbasary Tynysbek Arashev málim etti, dep habarlady «QazAqparat» tilshisi.
«Balalaryn balabaqshalarǵa ornalastyryp, aqshasyn tóleı almaıtyn turmysy tómen otbasylardyń tizimin jasaqtap jatyrmyz. Bul balalar balabaqshaǵa ornalastyrylady», - dedi T.Arashev búgin ótken baspasóz máslıhatynda.
Onyń aıtýynsha, qazirgi kezde tizimde 20 bala bar, biraq ákim orynbasary onyń sany ósetinin joqqa shyǵarmaıdy. Bul is Balabaqshalar qaýymdastyǵynyń arqasynda iske asyrylýda.
«1 jeltoqsanǵa qaraı balalardy balabaqshalarǵa qabyldaı bastaımyz. Jekemenshik balabaqshalar olardy tegin ornalastyrady», - dep qosty Tynysbek Arashev.
