Astanada túrmeden bosatylǵan azamattarǵa 15 AEK kóleminde kómek beriledi

ASTANA. KAZINFORM — Elordada bostandyqqa shyqqan azamattarǵa birjolǵy áleýmettik kómek qarastyrylǵan, dep habarlaıdy Astana qalasynyń Jumyspen qamtý jáne áleýmettik qorǵaý basqarmasy.

Vedomstvonyń baspasóz qyzmeti bas bostandyǵynan aıyrý oryndarynan bosatylǵan azamattarǵa áleýmettik kómek kórsetý tártibi týraly habarlady.

— Astana qalasy máslıhatynyń 2023 jylǵy 3 qazandaǵy № 84/10-VIII sheshimimen bekitilgen «Astana qalasynda áleýmettik kómek kórsetý, onyń mólsherlerin belgileý jáne muqtaj azamattardyń jekelegen sanattaryn aıqyndaý qaǵıdasyna» sáıkes, túrmeden bosatylǵan azamattarǵa bir rettik áleýmettik kómek qarastyrylǵan. Atap aıtqanda, bosatylǵany týraly anyqtama usynǵan jáne bosatylǵannan keıin alty aıdan keshiktirmeı ótinish bildirgen tulǵalarǵa 15 aılyq eseptik kórsetkish (AEK) mólsherinde qaıta usynylmaıtyn birjolǵy kómek beriledi, — delingen basqarma taratqan aqparatta.

Bul qoldaý — qoǵamǵa qaıta beıimdelýge kómektesýge baǵyttalǵan áleýmettik sharalardyń biri.

Osyǵan deıin sottalǵan zeınetkerlerge túrmedegi ýaqytynda zeınetaqy tólenbeýi múmkin ekeni aıtyldy.