Astanada «Túrli-tústi mozaıka» atty balalar shyǵarmashylyǵynyń saıys-festıvali ótedi

Bul - murajaıdyń «Balalyq shaqtan kózqaras» jobasy aıasyndaǵy QR Tuńǵysh Prezıdentiniń murajaıy men Balalar kórkemsýret mektebiniń dástúrli birlesken is sharasy. Atalǵan jobanyń aıasynda 2007 j. bastap murajaıda balalarǵa arnalǵan konkýrstar, festıvalder jáne merekeler ótkizilip kelediá. Bul týraly murajaıdyń baspasóz qyzmeti habarlady.

Bul jyly QR Tuńǵysh Prezıdenti - Elbasynyń qory jáne Buhar jyraý atyndaǵy ádebıet jáne óner murajaıy (Pavlodar qalasy) jobanyń seriktesteri bolyp tabylady.

Qazaqstan Respýblıkasy Tuńǵysh Prezıdenti - Elbasynyń Qory balalar jobasynyń ıdeıasyn qoldaýy kezdeısok emes, óıtkeni óziniń basty baǵyttarynyń ishinen halyqaralyq konkýrstarda, festıvalderde, kórmelerde Qazaqstannyń shyǵarmashylyq jastaryna qoldaý kórsetý jáne grantqa usyný mańyzdy oryn alady.

Bıylǵy festıval jańa formatta ótetin bolady, sebebi, Pavlodar murajaıynyń qyzmetkerleri qatysýshylarǵa «Balalyq shaqtyń murajaı tramvaıy» atty qyzyqty merekelik baǵdarlama daıyndaǵan. Bul balalar jobasy, onyń basty baǵyty murajaı jádigerlikterin kópshilikke tanytý, Ertis boıynda qala belgili tulǵalarynyń qyzmetteri men shyǵarmashylyǵyn nasıhattaý, sonymen qatar, qoǵamdyq sana-sezimniń qalyptasýyna, aǵartýshylyqty jańa bir resýrs retinde paıdalaný.

«Tramvaıda» «serýendeý» barysynda balalardy belgili ertegiler keıipkerleri men ártúrli oıyndar, jumbaqtar, sózjumbaqtar kútip tur. «Mýrajaılyq», «Kórkem», «Ádebı», «Mýzykalyq» jáne «Bı» aıaldamalarynda qatysýshylar Pavlodardyń Buhar jyraý atyndaǵy ádebıet jáne óner murajaıyna qysqasha ekskýrsııalyq sholý jasaı alady, pavlodarlyq balalar jazýshylarynyń ómirbaıandarymen jáne jumystarymen tanysady, sonymen qatar, mýzykalyq jáne bıshiler qataryna qatysýǵa múmkindigi bar. Belsene qatysqandardy syılyqtar men júldeler kútýde.

Bul ǵajaıyp tramvaı Pavlodarda 2012 jyldan bastap jolǵa shyqqan. Túpnusqasynda tramvaı Pavlodardy belgilengen marshrýt boıynsha aınalyp shyǵady, sońynda temirjol vokzalyna oralady. Bir-eki saǵatta tramvaı óz marshrýty boıynsha júrip kele jatqanda jolaýshylar klassık-dramatýrg Júsipbek Aımaýytov jáne aqyn Sultanmahmut Toraıǵyrovtyń ómiri men shyǵarmashylyǵy týraly maǵlumattar, ótken ǵasyrdaǵy halyq tanyp-bilgen ánshi-sazgerler Jaıaý Musa Baıjanov pen Maıra Shamsýtdınovanyń jeke zattarymen tanysyp, nemese, soǵys jylnamashylary, maıdanger-jazýshylar Vsevolod Ivanov pen Muzafar Álimbaevtyń muralarymen jaqynyraq tanysa alady.

Saıys-festıvaliniń kórkemdik bóliminde 6 jastan 9 jasqa deıingi 100-ge jýyq bala qatysady. Jeńimpazdar myna atalymdar boıynsha bólinedi: molbertte sýret-saıysy, asfaltta sýret salý-saıysy (bormen), mozaıkalar men pazldardy jınaqtaý. Murajaıdyń beıneleý óneri stýdııasynyń belsendi jumysy, Balalar kórkemsýret mektebiniń shyǵarmashylyq ujymyna jyl saıyn balalar shyǵarmashylyǵyn naǵyz kezdesý merekesine aınaldyrýǵa múmkindik jasaıdy. Festıvalge qatysýshy - jas sýretshilerdiń jumystary murajaıdyń ekspozıtsııalyq zalynda ornalasady.

Festıval Halyqaralyq Balalardy qorǵaý kúnine oraılasqan, bul búldirshinder úshin eń bir qýanyshty mereke ǵana emes, sonymen qatar balalar eresekterdiń únemi qamqorlyǵy men qorǵanyshyn qajet etetindigin, olar úshin úlken jaýapkershilikti moıyndaryna alatynyn eske salady.