Astanada túrli eldiń elshileri aǵash otyrǵyzyp jatyr
ASTANA. QazAqparat - Túrli elshilikterdiń qyzmetkerleri elordadaǵy senbilikke qatysty, dep habarlaıdy QazAqparat Astana qalasy Esil aýdanynyń baspasóz qyzmetine siltememen.
«Josparlanǵandaı, «Ǵashyqtar» saıabaǵynyń aýmaǵynda 90 aǵash otyrǵyzyldy. Atalmysh sharada Reseı, Grýzııa, Ázerbaıjan, Túrikmenstan, Túrkııa, Brazılııa, Portýgalııa, Saýd Arabııasy, Vatıkan jáne t.b. elderdiń elshileri qatysýda», - dep jazylǵan habarlamada.
Buǵan deıin elorda ákimdiginińresmı saıtynda habarlanǵandaı, senbilikke 8500-den adam, 425-ten astam PIK jáne 123 texnıkany jumyldyrý josparlanǵan. PIK jáne ózge de uıymdardyń basshylarymen qala aýdanyn sanıtarlyq tazalaý, aýdan aýmaǵyn abattandyrý, kireberister men tóbe jabyndylaryn jóndeý, qorshaýlar men qasbetterdi jańartý, qurylys qoqysyn jáne turmystyq qaldyqtardy syrtqa shyǵarý syndy merzimdik kúzgi-qysqy jumystar atqarylady.
Onymen birge jalpyqalalyq senbilik barysynda 255 aǵash otyrǵyzylmaq:
- "Esil" aýdany boıynsha 95 aǵash ("Ǵashyqtar" saıabaǵynda);
- "Saryarqa" aýdany boıynsha 160 aǵash (Gete jáne Konstıtýtsııa kósheleri).
