Astanada túrkııalyqqa qaraqshylyq shabýyl jasaǵan Mońǵolııa azamattary ustaldy
ASTANA. 4 qańtar. QazAqparat - Astananyń polıtsııa qyzmetkerleri Túrkııa azamatyna qaraqshylyq shabýyl jasap, tonaǵan kúdiktilerdi qolǵa túsirdi.
Olar Mońǵolııa eliniń azamattary bolyp shyqty.
Elordalyq ІІD baspasóz qyzmetiniń habarlaýynsha, Respýblıkalyq jedel medıtsınalyq kómek ǵylymı ortalyǵyna 26 jastaǵy Túrkııa azamaty aýyr soqqy saldarynan bolatyn ashyq bas súıek jaraqaty jáne shyntaq súıeginiń synýy sekildi aldyn ala dıagnozymen túsken. Tergeý barysynda japa shegýshiniń Astanada ýaqytsha turatyny jáne jumys isteıtini belgili boldy. Al oqıǵa oryn alar kúni ol jumystan soń óziniń jumys ornynda birazyraq kidirip qalǵan. Sol jerde belgisiz bireýler oǵan aýyr dene jaraqattaryn salyp, jábirlenýshiden «Samsýng Galaksı» jáne «Nokıa» markasyndaǵy eki qalta telefonyn, qujattary men iri mólsherdegi aqshasyn tartyp áketken.
Jedel izdestirý sharasy barysynda Astana qalasy Esil aýdany ІІB qyzmetkerleri atalmysh qylmysqa qatysy bar delingen úsh kúdiktini anyqtady. Olardy tintý barysynda zattaı aıǵaqtar, ıaǵnı jábirlenýshiniń qalta telefony men qujattary, aqshalaı qarajattary tabylǵan. Ustalǵan úsheý 25 pen 26 jas aralyǵyndaǵy Mońǵolııa azamattary bolyp shyqty. Atalǵan fakti boıynsha qylmystyq is qozǵalyp, kúdiktiler Astana qalasy ІІD ýaqytsha ustaý abaqtysyna toǵytyldy.
